Gernika-Lumoko Udaleko Euskara Zerbitzuak Euskaraz erostea, konfiantza osokoa! kanpaina jarri du martxan. Datorren ekainaren 4a bitartean kanpainaren irudia duten 600 mermelada poto, estalki berezia duten 10.000 napolitana eta txokolatina, 7.000 bi orriko, 300 orri informatibo eta 300 kartel banatuko ditu.

Salerosketetan euskararen balio erantsia sustatzea, Eusko Jaurlaritzaren Kontsumitzaileen eta erabiltzaileen hizkuntza eskubideei buruzko Dekretua ezagutaraztea, kontsumitzaileak bere hizkuntza eskubideez jabetzeko sentsibilizatzea eta merkatariei dituzten betebeharrak jakinaraztea dira kanpainaren helburuak. (Gernika-Lumoko Udala)