Eusko Jaurlaritzak 25 beka emango ditu eskaera egiten dutenen artean. Diru laguntza lortu ahal izateko honako baldintzak bete behar dira: EAEn izatea bizilekua urtebete baino gehiagoz; goi-mailako unibertsitate titulazioa izatea -lehentasuna izango dute Enpresetako Administrazio eta Zuzendaritza edo ikasketa baliokideak dituztenek, edo Zuzenbide Ekonomikoa ikasi dutenek-; aurretik antzeko bekarik ez eduki izana eta 32 urte baino gutxiago izatea.

Abuztuaren 1a arte egin daiteke eskaera. Bekak 12 hilabeteko iraupena izango du.