Aurreko deialdietan bezala, 2012an ere ari gara eskaintzen ikastaro hauek. HABEk sorturiko Dendaketan eta Ostalaritza ikasmateriala erabiltzeaz gain, alor honetako komunikazio beharretara egokitutako materiala erabiliko da. Besteak beste, eduki hauek lantzen dira: sektore hauetako oinarrizko hiztegia, agurrak, ohiko egoeren simulazioak, errotuluak… Ikastaro hauen iraupena 60 ordukoa da eta matrikula 60 €koa.

 Idatzizko gaitasuna landu nahi dutenek ere badute aukerarik

Donostiako Udaleko Euskara Zerbitzuak euskara dakitenentzat ere eskaintzen du aukerarik. Lanerako idazkiak I eta Lanerako idazkiak II moduluen bitartez (25 ordu - 30 €) hizkuntza-ezagutza zabaltzea eta batik bat, idatzizko komunikazio gaitasuna hobetzea dute helburu eta bereziki interesgarriak dira aholkularitza eta kudeaketa alorretan edota inprentetan lanean dabiltzanentzat. Ikastaro hauetan laneko idatziak landuko dira: faxak, e-mailak, fakturak, gutunak, erreklamazioak...

Izen ematea

Izena emateko epea zabalik dago, eta interesatuek otsailaren 15a bitarteko epea dute izena emateko Donostiako Udaleko Euskara Zerbitzuaren bulegoan (Konstituzio plaza,2. 09:00etatik-14:00etara. tel.: 943 483 750), izen emateko orri honen bidez edota sektoreko elkarteren batean: Gipuzkoako Merkatarien federazioa, Dendass, Zaharrean-Centro Erdi, Auzoa eta Gipuzkoako Ostalarien Elkartea.

 Ikastaro hauek martxoan hasiko dira, eta hiru hilabete eta erdi iraungo dute.

 izen-emateko orria